ЕРТІС АУДАНЫНДА ҰСТАЗ БОЛҒЫСЫ КЕЛЕТІН ОҚУШЫЛАР КӨП

08.10.2024

Марғұлан университетінің өкілдері 11 сынып оқушыларына арналған кәсіби бағдар беру жұмысын жүйелі түрде жүргізіп келеді. Бүгін оқытушылар Ертіс ауданына барып, бірнеше мектепте оқушылармен кездесу өткізді. Кездесу барысында мектеп оқушыларына таңдау пәндер туралы ақпарат беріп, жоғары оқу орнымыздағы білім беру бағдарламаларымен таныстырды. Соның ішінде қазіргі кездегі ең өзекті болып тұрған инновациялық бағдарламалар туралы мол ақпарат ұсынылды.
Марғұлан университеті қабылдау комиссиясының хатшысы Гүлнәр Мұсанованың айтуынша, Ертіс ауданы мектептерінде білім алатын оқушылардың арасында болашақта білім саласын таңдап, мұғалім болуғы қызығушылық танытқандар көп. Кездесу барысында оқушылар университет туралы және студенттерге жасалған мүмкіндіктер туралы сұрақтарын қойды.