Стартап жобалары

Университетте ПОҚ және университет білім алушыларының ғылыми зерттеулерін қолдау жүйесі табысты жұмыс істейді, соның арқасында 2023 жылы 17 ғылыми жоба мен стартап-жоба орындалды.

2023 жылдың 19 желтоқсанында зерттеу топтары жүргізілген зерттеулер бойынша қорытынды есептерді ұсынды.

Жоғары өнер және спорт мектебінің оқытушы-зерттеуші Г.С. Алинова «MARGULAN University брендтік тоқыма өнімдерін өндіру» стартап-жобасын ұсынды, нәтижесінде MU логотипі бар 100 шопер, банданасы бар 24 алжапқыш, MU логотипі бар 18 ойыншық, MU логотипі бар 35 шеврондар жасалды. Тоқылған ойыншықтарды дайындаудың, алжапқышты дайындаудың оқу видеосы әзірленді, стартаптың ғылыми нәтижелерін оқу процесіне енгізудің 2 актісі, студенттік ғылыми конференцияға қатысу үшін 2 тезис пен баяндама дайындалды.

Жоғары жаратылыстану ғылымдарының мектебі оқытушы-зерттеуші Г.Ш. Нұрғазинова және магистрант К. Садыгазин «Білім берудегі жасанды интеллект (AI): SMART БЕСІК іске асыру» стартап-жобасы бойынша өнімнің прототипін ұсынды. Магниттік тербеліс механизмі жасалды, нейрондық желі, динамиктер, бейнекамера біріктірілді. Өнімді сату және сату жұмыстары басталды.

Жоғары жаратылыстану ғылымдарының мектебі қауымдастырылған профессоры Д.Б. Абыкенова және студенттері @Jolly білім беру ресурсын құрды.Әлеуметтік желілердегі сынып. Жоба тик-ток платформасында сәтті жүзеге асырылуда, студенттер 500-ден астам цифрлық бейнероликтер әзірледі, 4000-нан астам интернет пайдаланушылары тартылды, павлодар мектептерінің оқушыларымен сабақтар ұйымдастырылды

Жоғары гуманитарлық ғылымдар мектебінің А.Б. Ахметова оқытушы «ID Bracelet» жобасын ұсынды. Сисликон білезіктері, университет серверінде студенттердің деректерін енгізу және редакциялау үшін ақпараттық жүйе әзірленді.

Өнімді гуманитарлық ғылымдар Жоғары мектебінің студенттері пайдаланады.

Жоғары жаратылыстану ғылымдарының мектебінің оқытушы-зерттеуші Б.Ж. Баймурзина «Профи» мобильді қосымшасын әзірлеу» жобасы бойынша кәсіби бағдар беру үшін сайт ұсынды. Сайтта материалдар, кәсіптік бағдар беру тесті орналастырылған.

Жалпы, университет қаржыландыратын барлық ғылыми жобалар мен стартап-жобалар өз мақсаттарына қол жеткізіп, міндеттерді орындады. Зерттеушілердің жарияланымдық белсенділігі университет қаржыландыратын ғылыми жобалар мен стартап-жобаларды орындау кезінде айтарлықтай өсті.