МАРҒҰЛАН УНИВЕРСИТЕТІНДЕ "ПЕДАГОГИКАЛЫҚ БІЛІМ БЕРУ МОДЕЛІН ЕНГІЗУ ЖӘНЕ ОНЫҢ МАЗМҰНЫН КҮШЕЙТУ" ЖОБАСЫ БОЙЫНША ОҚЫТУДЫҢ ЕКІНШІ КЕЗЕҢІ БАСТАЛДЫ

22.01.2024

Ғылым және жоғары білім министрлігі Дүниежүзілік банктің қолдауымен педагогикалық жоғары оқу орындарының базасында "Педагогикалық білім беру моделін енгізу және оның мазмұнын күшейту" жобасы іске асырылуда, оның мақсаты "Педагогтерді трансформациялау" болып табылады. Жобаны жүзеге асыру 2021 жылы басталды. Министрлік педагогикалық университеттердің оқытушыларынан арнайы жұмыс тобын құрды, біздің университеттен ең үлкен команда - 11 педагог қатысты. Арнайы әзірленген тұжырымдамаға сәйкес жұмыс тобы Назарбаев Университетінің әріптестерімен және Финдляндиядан келген серіктестермен бірлесіп педагог кадрларды даярлау бойынша 30 инновациялық білім беру бағдарламасын әзірледі. Марғұлан университеті 10 бағдарламаны әзірлеуге қатысып, "Дене шынықтыру және спорт" бағдарламасының Білім беру бағдарламасының негізгі әзірлеушісі болды. Бұл бағдарлама тізілімге енгізілді және қазір 155 студент білім алуда.

Бұл жоба жаратылыстану-математикалық бағыттағы ЖОО-ның 100 ПОҚ - CLIL әдістемесіне, ЖОО-ның 65 педагогы мен мектеп психологтарын ОP балаларымен жұмыс істеу үшін ABA ADOS -2 әдістемесіне оқытуды көздейді, 200-ден астам адам білім беру жүйесіндегі өзгерістердің көшбасшылары ретінде дайындалады.

Осы жылы осы бағдарламаларды масштабтау кезеңі басталады. Ол үшін 50 қазақстандық жаттықтырушы оқытылды, олардың ішінде біздің оқытушылар: Гаврилова Т. В., Мұқанова Р. Ж., Семенова М. В., Шақаман Ы., 2024 жылдың 5-12 қаңтар аралығында біздің 128 педагог үшін оқытудың бірінші кезеңін өткізген.

Жалпы 49 педагогикалық ЖОО-да 1800 ОПҚ оқытылатын болады.

Оқытудың екінші кезеңі бүгін 2024 жылы 22 қаңтарда басталып, 26 қаңтарға дейін жалғасады. Біздің ЖОО Солтүстік-Шығыс өңірі үшін базалық ЖОО болып табылады, бізге онлайн форматта Өскемен қ. университеттерінің 99 және Семей қ. – 118 адам қосылады. Барлығы Марғұлан университетінде 345 педагог білім алады.

Оқыту бағдарламасы 72 сағатқа есептелген және оқытушыларды жаңа 30 ББ іске асыру, жоба шеңберінде әзірленген педагогикалық білім беру моделін жақсарту, сондай-ақ білім беру бағдарламалары үшін силлабустар жазу бойынша біліммен және дағдылармен қамтамасыз етуге бағытталған. Оқыту бағдарламасы онлайн семинарлардан, синхронды онлайн оқытудан, офлайн оқытудан, жұмыстың топтық нысандарынан және дербес тапсырмалардан тұрады, сондай-ақ қажетті материалдарды ұсыну, тақырыптық вебинарлар өткізу және онлайн тәлімгерлік түріндегі курстан кейінгі қолдауды көздейді.

Оқыту келесі бағыттардың оқытушылары үшін жүргізіледі: жаратылыстану және математика, гуманитарлық ғылымдар, арнайы білім.

Біліктілікті арттыру бағдарламасын сәтті аяқтағаннан кейін оқытушылар Хаме қолданбалы ғылымдар университетінен (Финляндия) сертификат алады.

Осы жоба шеңберінде педагогикалық ЖОО-ларды, оның ішінде біздің университетті қазіргі заманғы физика, химия, биология кабинеттерімен, инклюзивті білім беру кабинетімен жарақтандыру көзделген.

Педагогикалық білім берудің жаңа моделін іске асыру және оның әлеуетін күшейту болашақ педагогтарды даярлау сапасын жақсартуға ықпал етеді, бұл өз кезегінде білім беру сапасын арттырады.