Ақиқат Интеллектуалды пікірсайыс клубы

Әлкей Марғұлан атындағы Павлодар педагогикалық университетінің “Ақиқат” дебат клубы

 

Ұйымның іргетасы 2011 жылы қаланған. Қазіргі таңда Республикамыздағы үздік 10 дебат клубының бірі. 2022-2023 оқу жылының ұйым президенті - Жұмағазы Жанель.

“Ақиқат ИПК” ұйымының мақсаты:

• Қазіргі таңдағы пікірсайыс қауымдастығын жоғарғы оқу орын студенттерінің арасында кеңінен таратып, дарынды студенттерді жинау;
• Ынталы жастармен тығыз жұмыс жасай отырып, олардың ораторлық қабілеттерін шыңдау;
• Студенттердің дебатқа деген қызығушылығын оята отырып, олардың ақпараттық базасын кеңейтуге үлес қосу;
• Халық алдында жасқанбай сөйлеп, өз ойын толықтай жеткізу қабілеттерін үйрету;
• Жаңа ортаға бейімделіп, отбасылық-достық құндылықтарын дәріптеу;
• Республикалық турнирлер деңгейінде бақ сынауға мүмкіндіктер беру.

Ұйымның басты бағыттары: Студенттерді республикалық деңгейдегі дебат турнирлеріне дайындау және бір-біріне құрмет көрсетуді отбасылық құндылықтар арқылы дәріптеу. Тек студенттер арасында емес, мектеп оқушылары арасында жоғары деңгейдегі облыстық, қалалық, республикалық турнирлер мен тренингтер өткізу.

Ұйым құрылымы: Президент, вице-президент, 1-ші координатор, 2-ші координатор, бас тренер, бас ұйымдастырушы және жас буын, орта буын, аға буын, ата буын өкілдері.

Қазіргі таңда ұйымда 50 белсенді АҚИҚАТТЫҚ бар.

Ұйымдастырушылық жұмыстары: Ақиқат дебат клубы жыл сайын ауқымды түрде, үлкен жүлде қорымен “AQIQAT CUP” Республикалық турнирін, сондай ақ, облыстық “Margulan CUP”, универ ішілік “Jana tolqyn” турнирлерін өткізеді.

 2022-2023 оқу жылында жеткен жетістіктеріміз: 

• 2022 жылдың 29 қазанында С.Торайғыров атындағы университеті мен “Жеті жарғы” қоғамдық қорының қолдауымен өткен “Жаңа толқын СUP 1” облыстық турнирінде бас жүлдені және 2-ші орынды қанжығамызға байладық. 

• Ал 12-13 қараша күндері Петропавл қаласындағы М.Қозыбаев атындағы Солтүстік Қазақстан мемлекеттік университетінде, “Shyn” пікірсайыс клубының ұйымдастыруымен “Тәуелсіздік-тарихтың төл тартуы” атты Республикалық турнирінде 1 және 2 орын иегері атандық. Одан бөлек, “Үздік спикер” номинациясын да алып қайттық.

• Желтоқсан айының 3-4 жұлдызы “Kongress CUP” атты Республикалық турнирінде Жастар финалының жеңімпазы болу бұйырды.

• 2023 жыл да жетістікпен басталды. Қаңтар айының 28-29 күндері Қостанай қаласындағы “Ахмет ұрпақтары” дебат клубының ұйымдастыруымен өткен Республикалық турнирде біздің аға буындарымыз жеңімпаз атанды. Ал жас буындарымыз Жастар финалында бақ сынап, финалист болды.
• Біздің ұйымның өзге Қазақстан универлер арасында ғана емес, өз универіміздің ішінде де белгілі орны бар.

2022 жылдың 22 желтоқсанында Әлкей Марғұлан атындағы Павлодар педагогикалық университетінің белсенді студенттері үшін “Жыл үздігі” атты ауқымды іс-шара өтті. Бұл кеште университетіміздің ең белсенді студенттері мен ұйымдары әр түрлі номинациялармен марапатталды. Бір жыл көлемінде үздік нәтижелер көрсетіп, үздік ұйымдар арасынан суырылып шығып, жыл қорытындысы кешінің ең маңызды жүлдесі - “Жыл ұйымы” номинациясын иелендік.

 

 

“Ақиқат ИПК” мен байланыс орнатқыңыз келсе:

• +77475982003 Жұмағазы Жанель (президент)
• +77768182003 Аллажар Нұржамал (координатор)
• Instagram