ЖОЛДАС ҚОСПАҚҰЛЫМЕН КЕЗДЕСУ ҰЙЫМДАСТЫРЫЛДЫ

24.02.2021

Ислам діні – жастарды білім мен ғылым жолына бағыттап, ақ пен қараның парқын ажыратуға, адамгершілікті дәріптеп, ізгілікке,  жастардың тура жолды ұстануына үгіттейді. ППУ студенттеріне жастардың діни түсінігін қалыптастыру, исламның басты қағидалары мен мәнісін түсіндіру, саясат пен ислам, шариғат жолы, жастардың рухани сауаттылығын ашу мақсатында ҚМДБ-ның Павлодар облысы бойынша өкілетті имамы және қалалық Мәшһүр Жүсіп мешітінің бас имамы Бертымұратов Жолдас Қоспақұлымен "Экстремизм қоғам мәселесі" атты кездесу өтті. Студенттермен кездесу барысында салиқалы әңгіменің басы жат ағымдарға итермелейтін бұрыс жолдардан сақтану, жастардың тура жолды ұстануы, оқу-білім, ашық сана-сезім, діни тұрғыдағы тәрбие, экстремистік идеологияға қарсы тұру сынды мәселелерге тірелсе, өнегелі кездесу шарасы тақырыптарының ендігі бір тарамы мұсылмандықтың қағидалары, толеранттылық, ізгілік, бата, садақа, зиярат ету сияқты мәселелерді көтерді. Кездесу соңында сөз кезегін алған студенттер жағы көкейінде жүрген сауалдарын қойып, Жолдас Қоспақұлының жауапқа қоса айтылған кеңестерін тыңдады. Осы да өзге мәселелер жайында бас имам жастарды қызықтырып жүрген-ау деген әңгімелердің төңірегінде егжей-тегжейлі тоқталып өтті. Кездесу барысында санитарлық нормалар, әлеуметтік арақашықтық ескерілді.