«Жоғары оқу орнының үздік оқырманы» байқауының қорытындысы!

31.12.2021

Павлодар педагогикалық университетінің Е.Бекмаханов атындағы ғылыми кітапхананың «Оқу университеті» жобасы аясында 22 қараша мен 22 желтоқсан аралығында оқытушылар мен студенттер арасында «Жоғары оқу орнының үздік оқырманы» байқауын өткізді. Байқау университет пен М.Қанапьянов жоғары педагогикалық колледжде студенттер, оқытушылар және университет қызметкерлері арасында кітаптың, кітапханалардың мәртебесін арттыру және кітап оқуды қолдау және дамыту, кітапхананың белсенді пайдаланушыларын анықтау және ынталандыру мақсатында өткізілді.

Павлодар педагогикалық университетінің Е.Бекмаханов атындағы ғылыми кітапханасының директоры Роза Игібаеваның айтуынша, оқырмандар байқауға үлкен қызығушылықпен қатысты. Байқау соңында ғылыми кітапхана төрт номинация бойынша қорытынды шығарды. «Үздіктердің арасынан үздіктерді таңдау қиынға соқты, өйткені біздің университетте кітап оқитын студенттер өте көп", -Роза Ержанқызы.

Кітапхана қорын белсенді пайдаланатын ұстаздар арасында «Студенттерге үздік үлгі» номинациясы бойынша университеттің үздік оқырманы құрметті атағы «Студенттерге үлгі» номинациясы бойынша «Үздік оқырман» атағына М.Қанапьянов атынлағы колледж оқытушысы Пшембаева Айдана Асылбекқызы ие болды.

Ең көп кітап оқыған «Білімге деген талпынысы мен кітапқа деген сүйіспеншілігі үшін» номинациясын Педагогика жоғары мектебінің ПМНО-43 тобының студенті Аружан Ерланқызы жеңіп алды.

«Ең эрудитті оқырман» номинациясы бойынша кітапхананың көптеген бөлімдерінде белсенді қолданушы, әр түрлі білім салаларындағы кітаптарды оқитын оқырмандар арасында МТ-11 тобының Гуманитарлық жоғары мектебінің студенті Садықұлы Алмас жеңімпаз атанды.

Павлодар педагогикалық университеті Жоғары мектептерінің үздік оқырмандары арасында «Кітапхананың тұрақты және белсенді пайдаланушысы» номинациясы бойынша Гуманитарлық ғылымдар жоғары мектебі көш бастады.

Е.Бекмаханов атындағы ғылыми кітапхана байқаудың барлық қатысушыларына алғысын білдіріп, жеңімпаздарды құттықтайды.

Байқау жеңімпаздары дипломдармен және кітап сыйлықтарымен марапатталды.