Зейтін Ақышевтың 110-жылдығына арналған шара өтті

21.04.2021

Е.Бекмаханов атындағы ғылыми кітапханасы ZOOM эфирі арқылы жерлесіміз, жазушы, аудармашы Зейтін Ақышевтың 110-жылдығына арналған «Ойы терең, қаламы қарымды жазушы» атты дөңгелек үстел өткізді. Іс-шараға бірінші курс студенттері қатысты. Шара басында Бұқар жырау атындағы облыстық әдебиет және өнер мұражайының қызметкері Кенжетаева Ханифа Увалиахметқызы жазушының өмірбаянымен және шығармашылығымен таныстырды. Қатысушылар «Рухани жаңғыру» аясында дайындалған Павлодар педагогикалық университеті шығарған «Зейтін Ақышев. Педагог-жазушы» атты видеофильмді тамашалады. Бірінші  курс студенттері дөңгелек үстелге арналған ғылыми баяндамаларын ұсынды. «З.Ақышевтың «Жаяу Мұса» романын құрудың зерттеулік еңбегі» атты докладымен ХШ-11 тобының студенті Маратқызы Нұрсұлу таныстырды.  ҚТӘ-15 тобының студенті Шырынбек Шерхан «З.Ақышевтың романындағы Жаяу Мұса образы» туралы айтты. «Жаяу Мұса романында көрсетілген XIX ғасырдағы қазақ даласының саяси-әлеуметтік ахуалы» зерттеу жұмысы туралы ҚТӘ-11қ тобының студенті Құзайыр Меруерт баяндама  жасады.  Тыңдаушылардың назарына «З.Ақышевтың романындағы көрнекті тұлға, халық батыры Иманжүсіп» баяндамасын ҚТӘ-11қ тобының студенті Қабытаева Кербез ұсынды. Дөңгелек үстелге қатысқан  студенттер Зейтін Ақышевтың  шығармашылығына қызуғышылығын және шығармашылық ізденістерін көрсетті.