Жатақханада тұратын студенттер азық-түлікпен қамтамасыз етілді

09.01.2022

Павлодар педагогикалық университетінің Жастар саясаты департаменті ректор Жанбол Жилбаевтың тапсырмасымен төтенше жағдай кезінде үйлерінен алыста жүрген студенттер үшін азық-түлік жиынтықтарын сатып алды. Азық-түлік себеттеріне ет, макарон өнімдері, күріш, картоп, май, шай, түрлі тәттілер енді.

Азық-түлік себеттері қазіргі жағдайда жатақханада қалуға мәжбүр болған жастарға жеткізілді.

Естеріңізге салай кетейік, Басқарма төрағасы - ректор Жанбол Жилбаевтың бұйрығымен 5 қаңтар күні төтенше жағдай кезінде Павлодар педагогикалық университетінде профессорлық- оқытушылар құрамы, қызметкерлер мен студенттердің денсаулығы мен қауіпсіздігін қамтамасыз ету үшін Оперативті штаб құрылған.

Бұйрыққа сәйкес каникул кезінде жатақханада қалған студенттер үшін аса қажетті азық-түліктер сатып алынды.