РЕСПУБЛИКАЛЫҚ ПӘНДІК ОЛИМПИАДА ЖҮЛДЕЛІ ОРЫН ИЕЛЕНДІ

28.04.2022

21-22 сәуір аралығында Ы. Алтынсарин атындағы Арқалық мемлекеттік педагогикалық институтында .Қазақстан Республикасы жоғары оқу орындарының студенттері арасында XI-Республикалық студенттік пәндік олимпиада өтті. Байқауға республиканың әр өңірінің ЖОО студенттері мен жетекші мамандары қатысты.

Пәндік олимпиадаға Педагогика жоғары мектебінің "Мектепке дейінгі оқыту және тәрбие" ББ 2-3 курс студенттерінің үздіктері іріктеліп алынған болатын.

16 университет қатысқан кезекті интеллектуалды жарыста біздің студенттер топ жарып Республикалық олимпиаданың жүлделі III-орынына ие болды.

Команда жетекшілері Гүлжан Байжунусова мен Айсәуле Расоланы және барлық қатысушыларды шын жүректен құттықтаймыз! Жетістіктеріңіз көп болсын!