Өз ісінің шебері

02.04.2021

Каратаева (Скворцова) Анастасия Владимировна – Павлодар педагогикалық университетінің дене шынықтыру және спорт мамандығының түлегі, дене шынықтыру және спорт магистрі. 15 жылдан бері өзінің мамандығы бойынша жұмыс істеуде. Қазіргі уақытта А.Каратаева «Олимпиадалық резервтің мамандандырылған мектеп-интернаты-колледжінде» арнайы пәндер және спорт бөлімінің меңгерушісі болып қызмет атқарады.

2019 жылы ППУ ұжымына "Олимпиадалық резервтің мамандандырылған мектеп-интернат-колледжінен" Каратаева Анастасияның жұмысы туралы Пікір-алғыс келіп түсті. Онда Анастасия Владимировна өз пәнінің мазмұнын жетік меңгергені туралы және оқыту мен тәрбиелеудің әдістерін, құралдарын, нысандарын оңтайлы таңдауды жүзеге асыратыны атап өтіледі. Оқыту мен тәрбиенің тәжірибелік-эксперименттік әдістерін қолданады. Өз пәнін оқыту процесінде қолданатын ғылыми және практикалық тәжірибесі бар. Оқытуды жоғары әдістемелік деңгейде жүргізеді. Студенттердің пәнді оқуға деген қызығушылықтарын қалыптастыруға үлкен мән береді. Ол үшін жаңа материалды енгізу кезінде әртүрлі жаңа тәсілдер мен әдістерді қолданады: оқушыларды топпен оқыту, шығармашылық үй тапсырмаларын орындау, проблемалық жағдайларды пайдалану, т.б.

А.В. Каратаева оқытушылық қызметпен қатар ғылыми-зерттеу жұмыстарымен айналысады, дарынды студенттерді дайындайды, білім беру мекемелерінің ұжымдары арасындағы спорттық жарыстарға белсенді қатысады, волейболдан республикалық чемпионаттарда төрешілік етеді.  

А.Каратаева Павлодар облысы туризм және спортты дамыту басқармасының, Павлодар облысы әкімдігінің Құрмет грамотасымен марапатталды.