Ы. Алтынсарин атындағы Облыстық қазақ гимназия-интернатының педагогтарымен және түлектерімен кездесу

13.12.2021

Ы.Алтынсарин атындағы дарынды балаларға арналған облыстық қазақ гимназия-интернатында жоғары сынып оқушыларының Павлодар педагогикалық университетінің өкілдерімен кәсіптік бағдар беру кездесуі өтті.
Кездесу модераторы гимназия-интернатының директоры Қалдыбаев Шоқан Түймебайұлы болды, ол қоғам дамуындағы педагог қызметінің ерекше маңыздылығын атап өтті. Кездесу диалог алаңының жаңа форматында өтті, онда педагогтар мен оқушылар оқу орындарына түсу мәселелерін ашық талқылай алды.

Павлодар педагогикалық университетінің академиялық мәселелер жөніндегі проректоры Ольга Андрющенко өзінің алғы сөзінде түлектерге ҰБТ-ны сәтті тапсыруға, мамандықты дұрыс таңдауға, жақсы маман болуға тілек білдірді. "Ең бастысы, ешқашан қиындықтардан қорықпаңыз, өз күшіңізге сенімді болыңыз және алға қойған мақсаттарға батыл барыңыз. Сіздердің әрқайсыларыңыз өз кәсібіңізді тауып, еліміздің дамуына өз үлесіңізді қосатынына сенімдімін", - деді Ольга Константиновна.
Іс-шара 10-11 сынып оқушыларын педагогикалық мамандықтардың ерекшеліктерімен таныстыру, оларға кәсіби өзін-өзі анықтауға көмек көрсету мақсатында өткізілді.

Гуманитарлық ғылымдар Жоғары мектебінің декандары А.Е. Каримова, Жаратылыстану жоғары мектебінің деканы Е. С. Габдуллин және Жоғары оқу орнына дейінгі және кәсіптік бағдарлау жұмысы бөлімінің басшысы Г. М. Мусанова Павлодар педагогикалық университетінің қызметі туралы ақпаратпен, ЖОО-ға қабылдау қағидаларымен таныстырды.

Мектеп педагогтары мен түлектері оқуға түсу, ЖОО қызметінің негізгі бағыттары туралы сұрақтар қоюға және толық жауаптар алуға мүмкіндік алды.

Докторант Нұрсұлтан Жакупов жастарға Павлодар педагогикалық университетіндегі өзінің Жеке және мансаптық өсуі туралы айтып берді. Ол бакалавриатта білім алды, академиялық ұтқырлық бағдарламасы бойынша Малайзияда оқыды, ал магистратурада оқып, Венгрияда тағылымдамадан өтті. Мұның бәрі мемлекеттік грант есебінен. Павлодар педагогикалық университетінде сапалы білім алу үшін барлық жағдай жасалған.