ХХ облыстық спартакиадада М.Қанапиянов атындағы жоғары колледжінің волейболшылар командасы жеңіске жетті!

29.10.2021

Павлодар облысы колледждері арасында ХХ- Спартакиада аясында волейболдан өткен жарыста Павлодар педагогикалық университетінің М.Қанапиянов атындағы жоғары колледжінің қыздар командасы 1-орынға ие болды.
М.Қанапиянов атындағы жоғары колледждің дене шынықтыру пәнінің мұғалімі Думан Қазезовтың айтуынша, қыздар қарқынды дайындықтың арқасында осындай жетістікке жеткен. «Біздің спортшылар жақсы ойнайды. Әсіресе, Динара Салықбаева, Надежда Шмарғаева, Диана Түкбаева және Дильнара Амангелдинова шабуыл мен қорғаныс техникасын жетік меңгерген», - дейді Думан Берікұлы.
Жарысқа облыстық білім беру мекемелерінен 16 команда қатысып, финалдық ойында 1 курс студенттерінен құралған қыздар командасы 2:0 есебімен Жоғары медициналық колледждін жеңді.
Бапкердің жетекшілігімен қыздар командасы аптасына екі рет дайындалып, сонымен қатар аптасына бір күн ойынға қатысады. Павлодар педагогикалық университетінің М.Қанапиянов атындағы жоғары колледжінде дене шынықтыру және спортпен шұғылдануға барлық жағдай жасалған.