XVIII ХАЛЫҚАРАЛЫҚ СТУДЕНТТЕР КОНФЕРЕНЦИЯСЫНЫҢ НӘТИЖЕЛЕРІ

12.04.2023

Әлкей Марғұлан атындағы Павлодар педагогикалық университетінде Ғылым онкүндігі аясында Жоғары мектептер мен М.Қанапиянов атындағы колледж студенттері «Жаңа қоғамдағы жастардың әлеуеті: білім мен ғылымның сапасы» атты XVIII халықаралық студенттік ғылыми тәжірибелік конференциясының секциялық отырыстарын өткізді.

Секциялық отырыстар «Қазіргі педагогиканың өзекті мәселелері», «Білім беруді цифрландыру жағдайында жаратылыстану-математикалық цикл пәндерін оқытудың заманауи мәселелері» (кіші секциялар: Биология, География, Химия, Информатика, Математика, Физика), «Қазіргі қоғамның жүйелі құндылықтарындағы өнер және спорт», «Әлеуметтік-гуманитарлық ғылымдардың негізгі бағыттары» (бөлімшелер: Қазақ тілі мен әдебиеті, Орыс тілі мен әдебиеті, Шет тілі: екі шет тілі, Тарих), «Қазақстандық қоғамды жаңғырту аясында мектепке дейінгі, бастауыш және орта білім».

Жас ғалымдар арасында «Ерекше қажеттіліктері бар балаларды психологиялық-педагогикалық қолдау», «Практикалық психология», «Мектепке дейінгі және мектеп жасындағы балаларды оқыту мен тәрбиелеудің ғылыми-практикалық негіздері» сияқты өзекті мәселелер бойынша секциялық отырыстар үлкен қызығушылық тудырды.

Жаратылыстану жоғары мектебінің вице- деканы Айбар Нүкенов жас ғалымдардың баяндамалары мен ғылыми пікірталастарының жоғары деңгейін атап өтті.
Жаратылыстану бағыты бойынша халықаралық конференцияның секциялық отырыстары сәтті өтіп, студенттер ғылымның әртүрлі салаларындағы зерттеулерінің нәтижелерімен бөлісе алды. Математика, физика, география, информатика, химия, биология – ғылымның осы салаларының барлығы конференцияда ұсынылып, оның жан-жақтылығы мен маңыздылығын көрсетеді.

«Конференцияға әр түрлі университеттердің, колледждердің студенттері, сондай-ақ Қазақстан мен Ресейдің әртүрлі аймақтарынан келген мектеп оқушылары қатысқаны өте маңызды. Бұл тәжірибе алмасуға, жаңа білім мен практикалық тәжірибені игеруге тамаша мүмкіндік. Конференцияға қатысушыларға алдағы уақытта ғылыми жетістіктер мен сүйікті ғылым салаларында табыс тілейміз!», - деді ол.

Секциялар жұмысына Марғұлан университетінің 1-4 курстарының жүзден астам студенті, сонымен қатар тыңдаушылар, студенттік ғылыми үйірмелердің мүшелері қатысты. Конференция қорытындысы бойынша үздік баяндамалар ғылыми мақалалар жинағында жарияланады.