XV РЕСПУБЛИКАЛЫҚ ПӘН ОЛИМПИАДАСЫ ҚОРЫТЫНДЫЛАНДЫ

21.04.2023

Дене шынықтыру және спорт теориясы мен әдістемесі бойынша XV республикалық олимпиада қорытындыланды. Margulan University қабырғасында өткен жарысқа еліміздің 14 ЖОО-нан студенттер келіп қатысты. Студенттер 3 бағыт бойынша сынға түсіп өзара мықтыны анықтады. Тарқатып айтар болсақ, алғашқы кезең "Интелектуалды тур", екінші кезең" Дене шынықтыру және спорт теориясы мен әдістемесі" және алдын ала таңдалған тақырып бойынша ғылыми жоба қорғау. Айта керу керек, әр тараптан келген командалар тыңғылықты дайындалған. Ұйымдастырушылардың сөзінше кіл мықтыда, кім мықтыны анықтау оңайға соқпағанын айтады. Бүгін XV республикалық олимпиада да жеңіске жеткен командалар салтанатты түрде марапатталып, қаржылай сыйлықтарға ие болды. Салтанатты кеште сөз алған тәрбие ісі жөніндегі проректор Жарқын Қабдолов олимпиаданың ерекшелігіне толқталып, маңыздылығын атап өтті. Төрешілердің шешімі бойынша жалпыкомандалық есепте үшінші орынға Бөкенов атындағы Қарағанды мемлекеттік университеті лайық деп танылды. Ал, үздік екінші орын Уалиханов атындағы Көкшетау университетіне бұйырды. Ахмет Байтұрсынов атындағы Қостанай өңірлік университеті олимпиаданың жеңімпазы атанды. Бұдан бөлек, жекелей өнер көрсетіп, жеңіске жеткен студенттер марапатталды. Айта кету керек, XVI республикалық олимпиада биылғы сыннан жеңімпаз атанған Қостанай өңірлік университетінде өтетін болады. Барлық жеңімпаздарды шын жүректен құттықтаймыз!