ХАЛЫҚАРАЛЫҚ ЖУРНАЛДАРҒА МАҚАЛА ЖАЗУ ЖӘНЕ ЖАРИЯЛАУ ЖӨНІНДЕГІ СЕМИНАР

22.04.2024

Ә. Марғұлан  атындағы Павлодар педагогикалық университетінде "Тарих" білім беру бағдарламасында магистранттарға, докторанттарға және профессор-оқытушылар құрамына арналған Scopus және Web of Science базасының рецензияланатын журналдарына мақала жазу және жариялау мәселелері бойынша семинар өткізілді. Семинар Алтай мемлекеттік университетінің тарих ғылымдарының докторы, профессоры Лысенко Юлия Александровна мен тарих ғылымдарының докторы, профессоры Шайдуров Владимир Николаевичтың қатысуымен өтті. Семинарда ғылыми журналдарда мақалаларды жариялаудың негізгі аспектілері, мақалаларды дайындау және редакциялық алқаларға жіберу ережелері қарастырылды. Семинарға қатысушылар құнды ақпарат алып қана қоймай, алдағы уақытта ғылыми журналдардың рейтингісі үшін мақалалар жазуды жандандыруды жоспарлап отыр. Семинарда көптеген сұрақтар қойылып, оларға жан-жақты жауаптар алынды. Бұл іс-шара тарих ғылымдарының докторы, профессоры Юлия Александровна Лысенконың «Тарих» білім беру бағдарламасы бойынша сыртқы академиялық ұтқырлық аясында өткізілді.