УНИВЕРСИТЕТТІҢ “JASTAR RUHY” ЖАЙЛЫ НЕ БІЛЕМІЗ?

24.01.2023

Әлкей Марғұлан атындағы Павлодар педагогикалық университетінің студенттері әртүрлі салада қоғамдық жұмыспен айналысып, елге пайдалы іс жасауда. Сол секілді Аманат партиясы жанындағы “Jastar Ruhy” жастар қанатының ұйымы біздің университетте де бар. Қазіргі таңда ұйым құрамында 100-ден астам мүшесі бар және олардың саны күннен-күнге артып келеді. Біздің ұйым арқылы студент өзін дамыта отырып, болашағын нығайта алады. Сондай-ақ, қоғамға үлкен көмегін тигізе алатыны сөзсіз. “Jastar Ruhy”-ның жастары түрлі қайырымдылық және қызықты жобаларымен ерекшеленіп келеді.

Мәселен, “Tazalike” жобасы арқылы қаламыздың көркейуіне үлес қосатын боламыз!

“Taza Sessya” жобасы арқылы сыбайлас-жемқорлыққа қарсы іс-шаралар жүргізеді. “Qaisar” жобасы арқылы қыздар қауымы бір күнін әскери мектепте өткізетін болады! Олар 2021 жылы “Amanat” партиясында “Ең үздік университет” атты марапатқа қол жеткізді. 2022 жылы осы ұйымның жастарына Президенттік сайлау қарсаңында мемлекет басшысы Қасым-Жомарт Кемелұлы Тоқаевпен кездесу кездесу мәртебесі бұйырды. 2022 жылдың соңында ұйым белсенділері ҚР Президенті Қасым-Жомарт Кемелұлы Тоқаевтың Алғыс хатымен марапатталды.

- Биыл қазақ халқының төл мейрамы “Наурыз” мерекесіне орай Павлодар Педагогикалық университеттерінің студенттері арасында қазақша күрес сайысын өткізуді жоспарлап отырмыз. Қайтпас қайсар болған білегінде күші бар студенттерімізді сайысқа қуана шақырамыз! Көркем көктем айында өтетін іс-шараларымыз мұнымен бітпейді. Біздің ұйым дарынды жастарымыз үшін “I’m singer” атты халық әндер жарысын ұйымдастыруды бекітіп отыр. Бұл халық әндер жарысы Роза Бағланованың 100 жылдық мерейтойының құрметіне орай болмақ. Бұған Павлодар қаласы ЖОО және колледждерін де шақырамыз, - дейді ұйым жетекшісі Гүлнұр Мұратбек.