УНИВЕРСИТЕТ ҰСТАЗДАРЫ АҚСУ ҚАЛАСЫНЫҢ ОҚУШЫЛАРЫМЕН КЕЗДЕСТІ

16.11.2023

Әлкей Марғұлан атындағы Павлодар педагогикалық университетінің оқытушы-профессорлық құрамы Ақсу қаласына барып келді. Іс-сапар барысында Қ. Сәтбаев атындағы дарынды балаларға арналған мамандандырылған гимназия және Ы. Алтынсарин атындағы қазақ орта мектебінің бітіруші сынып оқушыларымен кездесіп, кәсіби бағдар беру жұмысын жүргізді.

Гуманитарлық ғылымдар жоғары мектепбінің профессоры Ырысгүл Шақаман, оқытушы-сарапшы Гүлмейрам Рақышева, педагогика жоғары мектебінен қауымдастырылған профессор Зәру Күлшәріпова, қауымдастырылған профессор Гүлмира Аспанова, оқытушы-сарапшы Шынаргүл Байжекина, Аида Темиржанова, өнер және спорт жоғары мектебінен оқытушы-сарапшысы Арстан Елеуов, Индира Даулетова университет туралы жалпы ақпарат беріп, қолданыстағы және жаңа білім беру бағдарламаларымен таныстырды. Сонымен қатар, оқушылардың сұрақтарына жауап берді. Мектеп оқушылары жаңа білім беру бағдарламаларына деген қызығушылықтарын білдіріп, сұрақтарына жауап алды.