УНИВЕРСИТЕТ ҰЖЫМЫ АНАР КӘРІМОВАНЫ МЕРЕЙТОЙЫМЕН ҚҰТТЫҚТАДЫ

03.02.2023

Бүгін гуманитарлық ғылымдар жоғары мектебінің деканы, тарих ғылымдарының кандидаты, профессор Анар Еркенқызы Кәрімова мерейлі 50 жасқа толды. Университет ұжымы Анар Еркенқызын бүгінгі мерекелік туған күнімен құттықтап, әдемі ақ тілектерін жолдап, ерекше құрмет көрсетті.

Алғашқы құттықтау сөзді Марғұлан университетінің проректорлары Бауыржан Есенгелдин мен Ольга Андрюшенко алып, ұлағатты ұстаздың білім саласына қосқан өлшеусіз еңбегі үшін ұжым атынан алғыс білдіре отырып, университеттің басқарма төрағасы-ректор Жанбол Жилбаевтың құттықтау хатын табыстады. Сонымен қатар, кәсіподақ ұйымының басшысы Роза Жаева «Қазақстандық салалық білім және ғылым қызметкерлері кәсіптік одағының Павлодар облыстық ұйымы» ҚБ төрайымы Гүлбарам Наурызбаеваның Құрмет грамотасын тапсырды.

Мерекелік шараға осы күндері Марғұлан университетінде өтіп жатқан «Даналық тілдері» халықарлық конференциясының қонақтары - Дрезден техникалық университетінің профессоры (Германия), филология ғылымдарының докторы Куссе Хольгер және А.С.Пушкин атындағы Мәскеу мемлекеттік университетінің профессоры (Ресей), филология ғылымдарының докторы Карасик Владимир Ильич, облыстық қазақ гимназия-интернаты директорының орынбасары Нұргүл Камалова қатысып, мерейтой иесін туған күнімен құттықтады.

Сондай-ақ, жоғары мектеп декандары, білім беру бағдарламаларының жетекшілері, университетте ұзақ жыл қызмет еткен ардагер ұстаздар, мерейтой иесінің шәкірттері және бірге қызмет істейтін әріптестері де құттықтап, ерекше ізгі тілектерін білдірді.

Анар Еркенқызын мерекелік туған күнімен құттықтай отырып, өмірдің барлық жақсылығын тілейміз!