МАРҒҰЛАН УНИВЕРСИТЕТІНІҢ ОҚЫТУШЫЛАРЫ МАРАПАТТАЛДЫ

Бүгін Марғұлан Университеті ректорының міндетін атқарушы Жанбол Жилбаев оқу орнының бірқатар профессоры мен оқытушыларын ғылым мен жоғары білім саласының дамуына қосқан үлестері үшін және оқытушылықтағы табысты қызметтері үшін марапаттады. Атап айтсақ, гуманитарлық ғылымдар жоғары мектебінің профессоры Ырысгүл Шақаман ҚР Ғылым және жоғары білім министрлігінің «Ғылымды дамытуға сіңірген еңбегі үшін» төсбелгісімен марапатталды. Осы жоғары мектептің профессоры, тіл жанашыры Бекен Сағындықұлына «Ана тілін дамытуға қосқан үлесі үшін» төсбелгісі тағылды.

 

Жаратылыстыну ғылымдар жоғары мектебінің вице-деканы Айбар Нүкенов, Зерттеулерді қолдау департаменті ғылым және коммерцияландыру бөлімінің маманы Татьяна Гаврилова, педагогика жоғары мектебінің қауымдастырылған профессоры Ольга Боталова, Гульсум Аяпбергенова, өнер және спорт жоғары мектебінің оқытушысы Артем Морозов, шаруашылық департаментінің инженері Бекен Садыков, шаруашылық департаментінің маманы Камат Жакупов «Ұстаздар ордасы – 60 жыл» белгісімен марапатталды. Сонымен қатар, университет ректорының Құрмет грамотасымен жаратылыстану ғылымдары жоғары мектебінің білім беру бағдарламасының жетекшісі Айша Анафина, өнер және спорт жоғары мектебінің оқытушысы Алтынай Джакина, жаратылыстану ғылымдары жоғары мектебінің вице-деканы Жамиля Тачик, Зерттеулерді қолдау департаментінің директоры Бибінұр Байдалинова марапатталды.

 

- Бұл сіздердің адал еңбектеріңіздің жемісі деп білеміз. Сіздер Марғұлан Университетінің абыройын көтеріп, беделін асқақтатып келесіздер. Осындай еңбектеріңіз басқа жастарға үлгі, өнеге боларлық. Жақында ғана Бибінұр Байдалинова, Айша Анафина, Алтынай Джакина, Жамиля Тайчик сыды әріптестеріміз халықаралық "Болашақ" бағдарламасының грантын жеңіп алды. Бұл біздің университет үшін үлкен мақтаныш әрі жетістік. Осы жеңістеріңізбен шын жүректен құттықтаймын, - деді Жанбол Октябрьұлы.