УНИВЕРСИТЕТ КОМАНДАСЫ - АСЫҚ АТУ ТУРНИРІНІҢ ЖҮЛДЕГЕРІ

27.11.2023

Павлодарда Асық ату федерациясының ұйымдастыруымен 2004-2006 жылдары туған ұлдар мен қыздар арасында асық ату және бес асық бойынша қалалық турнирі өтті. Оған Марғұлан университетінің студенттері де қатысып, жүлделі орындарға ие болды. Жарыстың мақсаты - халқымыздың ұлттық спорт түрлерін дамыту, асық атумен шұғылданатын командаларды облыстық сайыстарға дайындау.

Жаратылыстану жоғары мектебінің студенттері Абидулла Рахимбай, Айтқали Отарбаев, Диас Ескендір сынды студенттерден құралған университет командасы үшінші орынға ие болды.

«Университетімізде қазан айынан бастап асық ату секциясы ашылды. Қызығушылық білдірген студенттермен екі ай көлемінде дайындалып, міне, бірінші жарысқа қатыстық. Нәтиже жаман емес. Студенттер үшін бұл жарыс үлкен тәжірибе болды. Алдағы уақытта да жақсы нәтижелер көрсетеді деп сенемін»,- дейді жаттықшырушы Еркін Қожабеков.

Нәтиже «Асық ату Республикалық федерациясы» қоғамдық бірлестігінің ережесіне сәйкес жүргізілді.