ОҚУШЫЛАРМЕН КЕЗДЕСУ

14.03.2023

Әлкей Марғұлан атындағы Павлодар педагогикалық университеті, гуманитарлық ғылымдар мектебінің оқытушысы Сагнаева Гүлзира Әбдікарімқызы 4-курс студенттерімен бірлесіп Ы.Алтынсарин атындағы дарынды балаларға арналған облыстық қазақ гимназия-интернатының 11-сынып оқушыларымен кездесіп, кәсіптік бағдар беру жұмысын жүргізді. Кездесу барысында университет туралы фильм, бейнеролик көрсетіліп, педагогикалық университеттің болашақ студенттерге беретін мүмкіндіктері айтылды.

Алтынсарин гимназиясының түлегі Илимхан Ақерке оқуға түсудегі өз тәжірбиесімен бөлісті. Басқа студенттер де өз ойларын айтып, университет туралы ақпаратпен бөлісіп, оқушыларды педагогикалық университетке түсу мүмкіндіктері мен ерекшеліктеріне тоқталып, оқуға шақырды. Оқушылар өздерін толғандырып жүрген сұрақтарына жауаптар ала алды.

Кездесудің ерекшелігі – оқушылардың арасында «Мұғалім үздік оқушыға БЖБ бағасын жоғарылатып қою, қоймау» тақырыбында дебат өткізілуі. Дебат арқылы оқушыларды қызықтыратын  өзекті сұрақтар және мұғалім мамандығымен байланысты мәселені шешу жолдары қарастырылды.