ҚР ОСК ТӨРАҒАСЫ НҰРЛАН ӘБДІРОВПЕН КЕЗДЕСУ

19.04.2022

Өнер және спорт мектебінің «Музыкалық білім» бағдарламасының студенттері Қазақстан Республикасы Орталық сайлау комиссиясының төрағасы Нұрлан Әбдіровпен Павлодар облысының жастарымен кездесуіне қатысты.

Кездесудің тақырыбы Мемлекет басшысының Қазақстан халқына жаңа Жолдауында айтылған сайлау процесін жаңғырту бастамаларын түсіндіру және талқылау болды. Өкілетті органдарды сайлауда аралас тәсілдер жүйесіне көшу тақырыбына ерекше назар аударылды.

Нұрлан Мәжитұлы Мемлекет басшысының «Жаңа Қазақстан: жаңару мен жаңғыру жолы» атты Жолдауын жүзеге асыруда жастарға үлкен үміт артатынын айтты.

Студенттер сайлау үдерісі саласындағы жаңалықтарға қызығушылық танытып, демократиялық реформаларға белсенді қатысуға дайын екендіктерін білдірді.

Отырыс соңында ОСК төрағасы мазмұнды әңгіме үшін облыс жастарына алғыс айтып, жаңа Қазақстанды құруға белсенді қатысуға шақырды.