ВОЛЕЙБОЛШЫЛАРЫМЫЗ СТУДЕНТТІК СПОРТ ЛИГАСЫНЫҢ ЖҮЛДЕГЕРЛЕРІ АТАНДЫ!

09.03.2022

Өткен демалыс күндері өткен «Қазақстан Республикасының студенттік спорт лигасының» 2-кезеңі аясында волейболдан жігіттер мен қыздар арасында Павлодар педагогикалық университетінің командасы 2-ші орынды жеңіп алды.

Жарысқа Павлодар және Өскемен қалаларының студенттік командалары қатысты. Әйелдер құрамасының атынан келесі спортшылар қатысты: Хлебнова К., Сафиулина Д., Сагынбекова Д., Сапаргали Т., Әбдікәрім Н., Нұрлан М., Кусаинова А., Музрапова Л., Жуматова Н., Наумченко А., ерлер командасында Жолтайсайханұлы А., Секен А., Мыңтай Н., Хобдабай Н., Ермекұлы Е., Рахымтай Е., Абдрахман Ж., Борамбай Д., Карпаев А., Идрисов А., Нұрумжан А., Бақытжан А. қатысты.
Павлодар педагогикалық университетінің студенттері лайықты және жоғары деңгейде ойын көрсетіп, бірінші орынды жеңіп алуға бір қадам қалғанда тоқтады. Нәтижесінде олар екінші орынға табан тіреді. Хлебнова К., Наумченко А., Борамбай Д. - жарыстың үздік ойыншылары ретінде танылды.

Бұл турнирге Павлодар педагогикалық университетінің волейболшылары алғаш рет қатысса да, ұйымдастырушылар ойынның жоғары деңгейін атап өтті. Алдағы уақытта 4 аймақтық жарыс арасында І-ІІ орын алған қатысушы командалар арасында финалдық ойындар өткізу жоспарлануда.

Сондай-ақ дайындық бойынша командалардың жаттықтырушыларын атап өткен жөн - бұл Козлова О.С. және Казезов Д.Б. Спортшыларымыз бен жаттықтырушыларымызға алдағы уақытта да жеңістер тілейміз!