«VERITAS SCHOOL CUP» ПІКІРСАЙЫС ТУРНИРІ ӨТТІ

22.05.2023

Өткен демалыс күндері Ә.Марғұлан атындағы Павлодар педагогикалық университетінде «Veritas SCHOOL CUP» пікірсайыс турнирі өтті. Бұл турнир қазақтың көрнекті ақыны, демократ, публицист және әдеби сыншы Сұлтанмахмұт Торайғыровтың 130 жылдық мерейтойына арналды. Басты мақсат – Сұлтанмахмұт Торайғыровтың шығармашылығын кеңінен насихаттау және турнирдің ұрпақтар сабақтастығын дамыту. Сонымен қатар, белсенді жастардың сыни тұрғыдан ойлау қабілеттерін дамыту, оны көпшілік алдында еркін жеткізуге үйрету. Сайыс Британдық парламенттік және Линкольн-Дуглас форматында өтті. Оған 9-11 сынып оқушыларының командалары қатысты.

Турнир қорытындысы бойынша ойынның Үздік спикер номинациясы мен бас жүлдесін және Марғұлан университетінің грантын Грищенко Ангелина («Дубл Кратос» командасы) жеңіп алды.

Бес іріктеу кезеңінің нәтижесі бойынша Үздік спикер Жексенова Лана (№21 орта мектеп командасы) болды.

І дәрежелі жүлдені және ректор Кубогын «Двойной Кратос» командасының ойыншылары Қуанов Руслан (ОМЛИОД) және Грищенко Ангелина (№43 орта мектеп) жеңіп алды.

II орын «Парасат» командасы ойыншылары Сергеева Глафира және Трошина Анастасияға (№11 орта мектебі) бұйырды.

III орынды «with love to "VERITAS"» командасы - Мұстахим Сания және Магамет Жібекжан (№7 орта мектебі) еншіледі.

«Диоген бөшкесі» командасы - Мищенко Каролина және Удден Эфим ("дарынды балаларға арналған №3 Гимназия"ММ) Құрмет грамотасымен марапатталды.

"Үздік төреші" номинациясы бойынша жалпы дауыс беру арқылы Нұрлыбекова Анель жеңіске жетті.

Барлық қатысушыларға сертификаттар және клуб басшыларына арнайы Алғыс хаттар табысталды.