«VERITAS PRACTICE CUP II» АТТЫ СТУДЕНТТЕР МЕН ОҚУШЫЛАР АРАСЫНДАҒЫ АЙМЫҚТЫҚ ДЕБАТ ТУРНИРІ

05.12.2023

Марғұлан Университетінде «VERITAS PRACTICE CUP II» аймақтық пікірсайыс турнирі өтті. Зияткерлік сайыстың ұйымдастырушылары Марғұлан Университетінің «VERITAS» пікірсайыс клубы және Павлодар облысының ақпарат және қоғамдық даму басқармасының қолдауымен «New vision team» қоғамдық қоры болды.

Турнирдің басты мақсаты – ұрпақтар сабақтастығын дамыту, жастардың туған өлке тарихы туралы білімдерін нығайту, аймақтың пікірсайыс қозғалысын дамыту, жастар арасында толеранттылық пен азаматтық сананы тәрбиелеу, жас спикерлерді іздестіру және қолдау.

«VERITAS» пікірсайыс клубының негізін қалаушы Никита Алимовтың айтуынша, турнирге Павлодар химия-механикалық колледжінің, “Ertis” жоғары Инновациялық аграрлық колледжі (Кемеңгер ауылы), Павлодар қаласының ІТ колледжінің, Павлодар қаласының дарынды балаларға арналған №8 лицей-мектебі, Облыстық көп салалы дарынды балаларға арналған көптілді лицей-интернаты, А.Н.Ёлгин атындағы №1 орта мектеп (Тереңкөл), Ж.Тәшенов атындағы орта мектеп, №17 ЖОББСОБМ, №25, №11 ЖОББМ, т.б. Іс-шараға барлығы 20 команда қатысты.

Регламентке сәйкес, британдық парламенттік форматта үш іріктеу кезеңі, жартылай финал және финал өтті. Әділқазылар алқасының құрамына «VERITAS» дебат клубының пікірсайысшылары Никита Алимов (бас төреші және пікірсайыс клубының төрағасы), Мирас Ерсінов, Даниил Орлов, Ангелина Грищенко және Камила Любкивская қатысты.

Қызықты пікірталастардың нәтижесінде ойынның жеңімпазы болып «Біз үшін қалыпты жағдай» командасы – Аяжан Файзрахман мен Анель Нұрлыбекова (Марғұлан Университет) атанды. Екінші орынды «Кратос» командасы - Руслан Қуанов пен Амир Бараисов (ОМЛИОД) жеңіп алды. Үшінші орында «Юниоры» командасы – Ольга Дукач пен Полина Карнаухова (Павлодар қаласы, №29 ЖОББМ). «Жылан» командасы – Изабелла Скрипкарева мен Асия Ткачева (Павлодар қаласы № 43 ЖОББМ) Құрмет грамотасымен марапатталды.

«Үздік спикер» номинациясы бойынша «Э’клипс» командасынан Аяна Аятова марапатталды (№25 ЖОББМ). «Үздік талдаушы» номинациясын «Юниоры» командасынан (Павлодар қаласы № 29 ЖОББМ) Полина Карнаухова жеңіп алды. Байқау жеңімпаздары мен жүлдегерлері дипломдармен және «New vision team» қоғамдық қоры ұсынған түрлі бағалы сыйлықтармен марапатталды. Бұл DEXP TV, Yandex.Station Light динамиктері, JBL құлаққаптары және Xiaomi қуат банктері және т.б.

Марғұлан Университетінің «VERITAS» пікірсайыс клубы 2021 жылы ашылғаннан бері дебат турнирлерінің тұрақты ұйымдастырушысы болып келеді. Студенттер ойындар да, төрелік етуде де, осындай шараларды ұйымдастыруда да тәжірибесі мол. Қала мен облыста өтетін әрбір пікірсайыс турнирі «VERITAS» клубының қатысуымен өтеді. «Біздің дебат қауымдастығы өңірдегі көптеген білім беру ұйымдарын қамтиды. Осы мүмкіндікті пайдаланып, облысымыздың ауылдары мен аудан орталықтарынан барлық қызығушылық танытқан студенттер мен оқушыларды шақырамыз. Біздің қауымдастыққа қосылыңыздар! Біз пікірсайыс қозғалысының дамуына үлес қосқысы келетіндердің барлығына көмек көрсетуге тырысамыз», — деді Никита Алимов.