ҮСТЕЛ ТЕННИСІНЕН УНИВЕРСИТЕТ БІРІНШІЛІГІ ӨТТІ

12.05.2022

Павлодар педагогикалық университетінің 60 жылдық мерейтойы аясында университет пен колледждің профессорлық-оқытушылық құрамы мен қызметкерлері арасында үстел теннисінен ашық біріншілік өтті. Турнирге университеттің жаратылыстану, гуманитарлық ғылымдар жоғары мектептері, М.Қанапиянов атындағы жоғары колледж командасы қатысты.

Жарыс университеттің спорт клубының бастамасымен, сонымен қатар университеттің кәсіподақ ұйымының қолдауымен өтті. Жарыс қорытындысы бойынша 1-орынды М.Қанапиянов атындағы жоғары колледж командасы жеңіп алып, турнир кубогын олжалады. 2-орын жаратылыстану жоғары мектебінің, 3-орын гуманитарлық ғылымдар жоғары мектебінің командасына бұйырды.

Кәсіподақ ұйымының қолдауымен Қ.М.Жамбаев, Д.Б.Әбікенова Б.Қ.Олжагелдинов, Қ.М.Мұхамедиева сынды қатысушылар «Үздік ойыншы» және «Жеңіске деген жігері үшін» номинацияларымен марапатталды.