УНИВЕРСИТЕТ БЕЛСЕНДІЛЕРІНЕН ҚҰРАЛҒАН «ЖАСЫЛ ЕЛ» ШТАБЫ РЕСПУБЛИКА БОЙЫНША "ÚZDIK SHTAB" АТАНДЫ

14.12.2020

Павлодар педагогикалық университетінің белсенділерінен құралған «Жасыл Ел» штабы Талдықорған қаласында өтіп жатқан «Жасыл Ел» жастар еңбек жасақтары XVI маусымының жабылу салтанатына қатысып,  республика бойынша "ÚZDIK SHTAB" номинациясында жеңімпаз атанды. Павлодар облыстық Жасыл Ел басшысы Абай Уахиттың айтуынша, бұл құрама осымен үшінші рет қатарынан республика деңгейінде үздік болып танылып отыр. Жеңімпаздарға   100 000 тг сыйақы мен ҚР ақпарат және қоғамдық даму вице-министрі Асхат Ораловтың Алғыс хаты табысталды. Команда құрамында сондай-ақ университеттің «Lotos» еріктілер ұйымының төрағасы – Самекова Русана мен ППУ-дың Жастар комитеті төрағасының орынбасары Алдыбаева Махаббат бар.