Университетіміздің докторанты АҚШ-та «Болашақ» бағдарламасы бойынша білім алады!

12.01.2022

Павлодар Педагогикалық университетінің гуманитарлық ғылымдар жоғары мектебінің Тарих ББ 2 курс докторанты Акшулакова Бибигүл халықаралық Болашақ стипендиясын жеңіп алды. Бибігүл Қайратқызы 2022 жылдың 1 маусымынан 1 желтоқсанына дейін АҚШ Миннесота штатының Минеаполис қаласында орналасқан Миннесота университетінің Білім беру және адами ресурстарды дамыту колледжінің "Зерттеу және Көшбасшылық" бағдарламасында педагогикалық инновациядан өз кәсіби біліктілігін арттыруға жолдама алды.

"Педагогикалық кадрларды дайындау және қайта даярлау мақсатында көптілді ортада білім берудің педагогикалық инновациялары мен технологиялары" тақырыбында ұсынылған зерттеу жұмысы АҚШ мемлекетінің "Online learning", "Leadership in education", "Learning technologies", "Evaluation studies", "Adult education" және теғы басқа оқу бағдарламалармен танысып, тәжірибе алмасуға мүмкіндік тудырады.

Тағылымдама бағдарламасы аясында Акшулакова Б. АҚШ мемлекетінің жоғары оқу орындарымен танысу, пәнаралық коллаборация картасын, ғылыми ортада баяндама жасау, академиялық хат және зерттеу мақаласын жазу және зерттеу методологиясы сынды шебер сабақтары мен семинарлардан дәріс алу жоспарлануда.