УНИВЕРСИТЕТ РЕКТОРЫ ЖАСҰЛАН ШАЙМАРДАНОВПЕН КЕЗДЕСТІ

22.10.2022

Павлодар педагогикалық университетінің ректоры білім беру саласының ардагері, университетіміздің экс-ректоры Жасұлан Шаймардановпен кездесті.

Кездесу барысында Ертіс-Баян өңіріндегі ұстаздардың қарашаңырағы саналатын Павлодар педагогикалық университетінің 60 жылдық мерейтойын тойлау мәселесі талқыланды. Мәртебелі мейман өз сөзінде мерекелік датаның маңыздылығы мен мән-мағынасы зор екендігіне тоқталып, әрқашан қолдау білдіретіндігін жеткізді.

Басқарма төрағасы-ректор мұндай келелі кездесулердің берері мол екендігін айтты. Себебі, алдыңғы аға буынның ақыл-кеңесінсіз әрі қарай қадам басу қателік болып есептелмек.

Сонымен қатар, Жасұлан Құдайбергенұлы білім ордасының 60 жылдық мерейтоына орай жоспарланған шаралар легіне оң бағасын берді.