УНИВЕРСИТЕТ ОҚЫТУШЫЛАРЫ «12 БОЛЬШАКОВ ОҚУЛАРЫ» ХАЛЫҚАРАЛЫҚ КОНФЕРЕНЦИЯСЫНА ҚАТЫСТЫ

19.04.2024

Марғұлан уаниверситеті гуманитарлық жоғары мектебінің профессор Г.Е.Өтепова және оқытушы-зерттеуші Г.Б.Жакибаева Ресейдің Орынбор қаласында өткен «Орынбор облысы тарихи-мәдени феномені» атты халықаралық ғылыми-тәжірибелік конференцияға қатысты.

Конференцияны ұйымдастырушылар: Орынбор мемлекеттік педагогикалық университеті, Орыс тарих қоғамының Орынбор филиалы, Орынбор әкімшілігі және Қ.Жұбанов атындағы Ақтөбе мемлекеттік өңірлік университеті. Конференция көрнекті ғалым, өлкетанушы, журналист, Орынбор қаласының құрметті азаматы Л.Н.Большакованың туғанына 100 жыл толуына арналды. Конференцияға Ресей мен Қазақстанның жетекші ғалымдары, қоғам қайраткерлері, университет оқытушылары, журналистер, студенттер, магистранттар, докторанттар қатысты.
Конференцияның пленарлық отырысында ОГПУ ректоры С.А.Алешина, Ресей тарих қоғамы басқармасының төрағасы Р.Г.Гагкуев құттықтау сөз сөйлеп, «Телевизионный вклад Большакова», тақырыбында деректі фильмі көрсетілді. Ресей ғылым академиясы Ресей тарихы институтының профессоры (Мәскеу қ.) Д.А.Аманжолова, Этнология және антропология институтының профессоры (Мәскеу қ.) Н.Л.Пушкарева және т.б. ғалымдар баяндама жасады. Конференция ашылмас бұрын мұрағат деректері мен Орынбор өлкесінің тарихына қатысты соңғы зерттеулердің таныстырылымы өтті.
Конференция әртүрлі бағыттар бойынша 8 секцияға бөлінді. Бірінші секциясының жұмысын тарих ғылымдарының докторы, профессор Г.Е.Отепова жүргізді. Сол секция мәжілісінде «Орынбор департаментінің Кіші жүз қазақтары туралы Ресей мемлекеттік тарихи мұрағатының мұрағат материалдары» атты тақырыпта PhD докторы Г.Б.Жакибаева баяндама жасады. Баяндама барысында жаңа мұрағаттық материалдар ұсынылып, секцияға қатысушылардың үлкен қызығушылығын тудырды.

Жұмыс қорытындысы бойынша конференция материалдарының екі томдық жинағы шығарылып, «Орынбор өлкесі мен Оралдың тарихи тағдырлары» Ресей мен Қазақстан жас ғалымдарының алтыншы халықаралық байқауының жеңімпаздарын салтанатты түрде марапаттау рәсімі өтті.