УНИВЕРСИТЕТ АРДАГЕРЛЕРІН ҚҰТТЫҚТАДЫ

29.09.2023

Бүгін Марғұлан университетінде оқу орнында ұзақ жыл еңбек етіп, зейнеткерлікке шыққан ардагер ұстаздар бас қосты. Кездесуге университет ректоры Жанбол Жилбаев қатысып, аға буын өкілдерін қарттар күні мерекесімен құттықтады.
Университеттің талантты да дарынды студенттері түрлі өнерлерін ортаға салып, ән мен күйден шашу шашты.

Сонымен қатар,  мерекелік дастарқанның қонағы болған ардагерлер де өз замандастарын құттықтап, ескі әндерден тарту етті. Кездесу соңында тамаша кештің ұйытқысы болған университет басшылығына алғыстарын білдірді.
Университет тарапынан барша аталар мен апаларға мерекеге арналған ақшалай сыйлық табысталды.

- Құрметті әріптестер және замандастар! Сіздерді келе жатқан қарттар күнімен шын жүректен құттықтаймын! Бүгін бір керемет кездесу болды. Кезінде бірге жүрген әріптестерді көріп бір жасап қалдық. Осындай шараны ұйымдастырған университет басшылығына, кәсіподақ ұйымына және жастарға алғысым шексіз,-деді ардагер Қизат Нұрқұмарқызы.