УНИВЕРСИТЕТ АРДАГЕРІНЕ ҚҰРМЕТ КӨРСЕТІЛДІ

27.12.2022

Әлкей Марғұлан атындағы Павлодар педагогикалық университетінің басқарма төрағасы-ректор Жанбол Жилбаев университет ардагері Кузьмина Зинаида Григорьевнаның үйіне барып, жаңа жыл мерекесімен құттықтады. Сонымен қатар, Павлодар педагогикалық университетінің 60 жылдығына арналған мерейтойлық медалін табыстады.

- Биыл университет үшін ерекше тарихи жыл болды. Атап айтқанда оқу ордасының 60 жылдығын атап өттік. Сонымен қатар, унивреситетке қазақ археологиясының атасы Әлкей Марғұланның есімі ерілді. Бұл біз үшін үлкен жауапкершілік. 2023 жылы бірінші ректор болған Анатолий Катерининнің 100 жылдық мерейтойы. Осы датаны да айрықша атап өтеміз.Университеттің осындай дәрежеге жетуіне кезінде еңбек еткен сіздердің де үлестеріңіз бар. Сондықтан, осылай құрмет көрсетуді жөн санадық, - деді Жанбол Жилбаев.

Кузьмина Зинаида Григорьевна осы оқу орнында 1962 жылдан бастап, 1996 жылға дейін есепші қызметін атқарған. Еңбек жолын қарапайым маманнан бастап, кейін өзінің іскерлігінің нәтижесінде университеттің бас есепшісі болды.

- Сіздерге уақыт бөліп, құрмет көрсеткендеріңіз үшін шын жүректен алғыс білдіремін. Еңбектеріңізге жеміс тілеймін, - деген ризашылығын білдірді.