ҰЛЫ ДАЛА ОДИССЕЯСЫ: УАҚЫТҚА САЯХАТ

30.10.2023

«Тарих» білім беру бағдарламасының бірінші және екінші курс студенттері қызықты уақытқа саяхат ойынына қатысты. Тарих апталығы аясында 2 курс магистранттары Алина Швец, Сәуле Шарипова және Диляра Жүнісова «Ұлы дала Одиссеясы: Уақытқа саяхат» квест ойынын өткізді.

Іс-шара оқушылардың отансүйгіштік сезімін ояту, ой-өрісін кеңейту, тарих пәніне деген қызығушылықтарын белсендіру және арттыру мақсатында өткізілді.

Ойын барысында оқушылар тарих пәні бойынша білімдерін көрсетіп, Қазақстан тарихы бойынша түрлі тақырыптық жұмбақтарды орындап, жағымды эмоциялар алды.

Ойынға қатысушы МТ-13 тобының студенті Ернур Бақытденовтың айтуынша, тарих әлеміне саяхат өте қызықты болып шықты. «Ойын барысында біз өткенге саяхат жасап, тарихтың жұмбақтарын шешіп, құпияларды ашқандай болдық. Ең бастысы, таримызға тереңірек үңіліп, еліміз үшін мақтаныш сезімін ояттық», - дейді олар.