ТҮЛЕКТЕРМЕН ОНЛАЙН РЕЖИМДЕ КЕЗДЕСТІ

19.04.2022

Павлодар педагогикалық университетінің 60 жылдық мерейтойына орай жаратылыстану жоғары мектебі өткен жылдары бітірген түлектермен онлайн кездесулер өткізуді қолға алған. Жақында химия зертханасының меңгерушісі Рахила Сеитова университетке арнайы онлайн-экскурсия түрінде алғашқы кездесуді ұйымдастырды. Түлектер өздері білім алған оқу орнын онлайн форматына көргеніне ерекше қуанды. ЖОО-да орын алған өзгерістерді көріп, таңданғандар да болды. Түлектер алдағы уақытта онлайн форматта әртүрлі тақырыпта пікірталастар өткізіп отыру ұсынысын білдірді.

Сонымен қатар, «Биология» ББ қауымдастырылған профессоры Бақытжамал Ғабдулхаева түлектер үшін «гиподинамияның алдын алу» тақырыбында әңгіме өткізді. Адам ағзасындағы физикалық белсенділіктің рөлі егжей-тегжейлі талқыланды, дененің әртүрлі жүйелеріне пайдалы қозғалыстар алгоритмі ұсынылды. Сондай-ақ, ДДҰ мәліметтері бойынша адамның биологиялық жасын жіктеу мәселесі айтылды.