«Тәуелсіздіктің 30 жылдығына -30 кітап»

27.09.2021

Биыл, Қазақстанда 2021 жыл Тәуелсіздік жылы деп жарияланды. Осыған орай, 27 қыркүйек күні Павлодар педагогикалық университетінің Е. Бекмаханов атындағы кітапхана қызметкерлері акция аясында «Тәуелсіздіктің 30 жылдығына -30 кітап» атты әдеби-поэзиялық кеш ұйымдастырды.
Жоба аясында поэзия жанры бойынша Мұқағали Мақатаевтың «Өмірдастан», Жұмекен Нәжімеденовтің «Менің Қазақстаным», Ұлықбек Есдәулеттің «Киіз кітап», Серік Ақсұңқарұлының «Көкейімде Күлтегіннің жазуы» жинақтары, ал проза жанры бойынша Сәуле Досжан «Қасірет пен тағдыр» Тынымбай Нұрмағамбетовтің «Періштелердің өлімі», Тобық Жармағамбетовтің «Отамалы», Тұрысбек Сәукетайдың «Желқайық», т.б. шығармалары таңдалды. Акцияға кітапхананың белсенді оқырмандары, гуманитарлық ғылымдар жоғары мектебінің студенттері Кадырмолдина Дэльяра, Кемелбек Гүлжанат, Қайырбай Нұрсая, Дүйсен Динара, Ахмет Ақтілек, Жұмағазы Жанель, Мәдібек Мұхтар және т.б. қатысты. Оқыған кітаптарына талдау жасай отырып, ақындардың өлеңдерін оқыды, поэзия жайлы өз ойларымен бөлісті. Кеш сонында қазақ тілі және әдебиет» білім беру бағдарламасының студенті Таукелов Нурсеріктің орындауында М.Мақатаевтың сөзіне жазылған әндерді шырқады.
Жүргізушілер осы акцияның тарихы мен мақсаты туралы және 2021 жылы таңдалған кітаптардың мазмұнын ашты. Кеш соңында ұйымдастырған кітап көрмесінен кітаптарды оқуға кеңес берді және бейнеролик көрсетілді.

Е. Бекмаханов атындағы ғылыми кітапхана