TU DREZDEN СТУДЕНТТЕРІ ПАВЕЛ ВАСИЛЬЕВТІҢ МҰРАЖАЙ-ҮЙІНДЕ БОЛДЫ

07.06.2023

Марғұлан университетіне сапары бағдарламасы аясында Дрезден техникалық университетінің студенттері профессор Холгер Куссенің жетекшілігімен Павел Васильевтің мұражай-үйіне барды.

Еске салайық, Дрезден университетінің студенттері мен магистранттары профессор Холгер Куссенің жетекшілігімен Марғұлан университетіне академиялық алмасу мақсатында келген болатын.

Кездесу барысында студенттер Германиядағы білім беру жүйесі, еуропалық тілдер, университеттің білім беру бағдарламалары туралы мазмұнды баяндамалар жасады. Сонымен қатар, Германия, қаланың көрікті жерлері, неміс фольклоры мен салт-дәстүрлері туралы презентациялар көрсетті.

Дрезден университетінің Славянтану институтының директоры, профессор Холгер Куссемен тығыз ынтымақтастық бірнеше жылдан бері жалғасып келеді. Бұл Эразмус+ бағдарламасы бойынша бірлескен іс-шаралар, ұжымдық монография жазу және т.б.