ТҮРКИЯЛЫҚ ПРОФЕССОР ДӘРІС ОҚЫДЫ

19.12.2023

Марғұлан Университетінің педагогика жоғары мектебіне академиялық ұтқырлық бағдарламасы аясында Түркия республикасы Токат Газиосманпаша университетінің оқытушысы, PhD докторы Мұрат Ақдақ келді. Шетелдік ғалым студенттерге, магистранттарға, докторанттарға және оқытушыларға семинарлар өткізді.

Мұрат Ақдақ жоғары оқу орнынан кейінгі бағдарлама бойынша студенттерге сапалы зерттеу әдісін қолдана отырып, сипаттамалық және метафоралық талдау бағыты бойынша дәрістер өткізді. Сондай-ақ, ғылыми зерттеу процесін ұйымдастырды.

Ол педагогика және психология мамандығының докторанты Ж.Кенжебаевамен және магистранттармен магистрлік диссертациялар жазу бойынша жеке консультациялар өткізді.

Мұрат Ақдақ біздің ЖОО-да инклюзивті білім беруді құру қағидаттары мен шарттарына арналған халықаралық ғылыми-практикалық конференцияға қатысып, баяндама жасады.