ТҮРКІСТАНДА ӨТКЕН ТЕРМЕ БАЙҚАУЫНДА ЕКІНШІ ОРЫН ЕНШІЛЕДІ

20.06.2024

Түркістан қаласында өткен «Түркістан мақамдары» атты республикалық термешілер байқауына Марғұлан университеті «Музыкалық білім» білім беру бағдарламасының 4-курс студенті Баянбек Тілеужан қатысып, 2 орынға ие болды.
Марғұлан университетінің намысын арқалап барған өнерпазымыз жоғары деңгейде өнер көрсетіп, университет абыройын тағы бір мәрте аспандатты. Екі кезеңмен өткен жыр додасында Тілеужан Баянбек үш шығарма орындады. Алғашқы бөлімде 2 терме орындаса, екінші кезеңде 10 термеден жеребе бойынша тарыған біреуін орындады.
Түркістант төрінде өткен өнер додасына еліміздің әр өңірінен үздік орындаушылар барыпты. Ал біздің облыстың атынан барған өнерпазға жетекші болып, байқауға дайындаған университет оқытушысы, Мәдениет саласының үздігі, дәстүрлі әнші, термеші Салтанат Қисатова. Оқытушы мен студентті жоғары жетістігімен құттықтаймыз!