ТҮРІК ПРОФЕССОРЫ ППУ СТУДЕНТТЕРІНЕ ДӘРІС ОҚЫДЫ

19.12.2022

Әлкей Марғұлан атындағы Павлодар педагогикалық университетіне Түркия Республикасы Ақдениз университетінің профессоры Абдуллаһ Көк ресми сапармен келді. Түрік профессоры «Қазақ тілі мен әдебиеті» БББ білім алушыларына екі апта дәріс оқыды. Дәріс 28 қараша мен 9 желтоқсан аралығында жүрілді.

- Бұл шетелдік оқытушылармен байланыс аясында әрі Академиялық ұтқырлық бағдарламасы аясында жүзеге асырылды. Абдуллаһ Көк көне түркі тілдері мен әдебиетін, Орхон жазба ескерткіштерін зерттеуші ғалым. Сабақ барысында түркі тілдерінің жазба ескерткіштері жайында, соның ішінде Орхон-Енисей ескерткіштері, олардың пайда болуы туралы студенттерге мол ақпарат берді. Бұдан басқа Күлтегін, Құтты біліктен бастау алатын көне түркі жазбаларының тарихынан қызықты да құнды мәліметтермен бөлісті,  - дейді гуманитарлық ғылымдар жоғары мектебінің оқытушысы Аяулым  Ерланова.

Осындай мазмұнды дәрістер білім алушыларға түркі тілдес халықтардың тілі мен мәденретін салыстыра отырып, өзара ұқсастықтары мен айырмашылықтарын түсінуге көп септігін тигізеді.