ТЕРЕНКӨЛ ЖӘНЕ ПЕСЧАНОЕ АУЫЛДАРЫНЫҢ ТҮЛЕКТЕРІМЕН КЕЗДЕСУ

28.03.2023

Әлкей Марғұлан атындағы Павлодар педагогикалық университетінің Өнер және спорт жоғары мектебінің оқытушылары Юлия Личман және Салтанат Қисатова өз шәкірттерімен бірге Тереңкөл ауылының №1, 2, 3 орта мектептері және Песчаное ауылының мектебінің түлектеріне кәсіптік бағдар беру іс-шараларын өткізді.

Университет оқытушылары студенттерге музыка мұғалімі мамандығының ерекшеліктері, «Музыкалық білім» білім беру бағдарламасының ерекшеліктері мен мазмұны туралы айтып берді.

Мектеп түлектері бакалавриатта оқуды аяқтағаннан кейін жұмысқа орналасу, кейін магистратурада оқуын жалғастыру, шетел университеттерімен академиялық алмасу бағдарламаларына қатысу мүмкіндіктерімен танысты.

Оқытушылар студенттер үйіндегі тұрмыстық жағдайлар, университеттегі бос уақытты өткізу ерекшеліктері және студенттердің түрлі филармония үйірмелерінде өзін-өзі таныту, университетте, қала, облыс, республикада өткізілетін іс-шараларға, конкурстарға, олимпиадаларға, ғылыми конференцияларға қатысу мүмкіндіктерімен танысты.

Сондай-ақ, музыкалық білім беру бағдарламасына оқуға түсу үшін шығармашылық емтихандарды тапсыру шарттары мен мазмұны туралы толық ақпарат беріліп, бейнеролик көрсетілді. Түлектер Әлкей Марғұлан атындағы Павлодар педагогикалық университетінің білім беру бағдарламалары туралы ақпараты бар буклеттер алды.

Жиын соңында «Музыкалық білім» БББ-ның дарынды студенттері Азамат Базарбай, Ерболат Манапов, Смағұл Темірбайдың музыкалық номерлері орындалып, шараға қатысушылардың ыстық ықыласына бөленді.