"ТӘУЕЛСІЗ ЕЛДІҢ КӨШБАСШЫСЫ" ЗИЯТКЕРЛІК САЙЫСЫ

19.12.2023

Бүгін Марғұлан Университетінің студенттері арасында гуманитарлық ғылымдар жоғары мектебі "Тарих" білім беру бағдарламасының магистранттарының ұйымдастыруымен 16 желтоқсан – Тәуелсіздік күніне арналған «Тәуелсіз елдің көшбасшысы» атты зияткерлік сайыс өтті. Сайыстың мақсаты қазақтың егемендікке қол жеткізуіне арқау болған тұлғалар мен олардың еңбектерін, туындыларын оқу ордамыздағы болашақ ұстаздарымызға насихаттау. Оларды, туған елінің тарихын білуге, еліміздің егемендігінің символы болған рәміздерді қастерлеуге, елі мен жерін сүюге тәрбиелеу. Сондай-ақ, өресі биік жастардың білімін көрсетуге мүмкіндік туғызу, ары қарай дамуына мотивация беру.
Сайыстың ережесі бойынша барлығы әр жоғары мектептен тіркелген 7 студент қатысты. Қазылар алқасының шешімі бойынша 1-орынды ПжП-11қ тобының студенті Айтмухамбет Томирис, 2-орынды ҚТӘ-21 тобының студенті Жақсыбаева Айдана, 3-орынды ПжП-11қ тобының студенті Темиргаукова Мөлдір иеленді. Жүлдегерлер ақшалай және әртүрлі арнайы сыйлықтармен марапатталды.
Сан ғасырлар бойы ата-бабамыз аңсаған тәуелсіздік мерекесі баршамызға құтты болсын! Тәуелсіздігіміз тұғырлы болсын. Тәуелсіздік жолында жандарын құрбан еткен арыстарымызды құрметтеу, егемендігімізді қорғап, елімізді көркейту – қасиетті борышымыз.