ТАШКЕНТТЕН КЕЛГЕН ПРОФЕССОРЛАР МАРҒҰЛАН УНИВЕРСИТЕТІНДЕ ДӘРІС ӨТКІЗЕДІ

19.11.2024

Марғұлан университетіне Низами атындағы Ташкент мемлекеттік педагогикалық университетінің (Өзбекстан) өкілдері келді. Олар 2024 жылғы 18-29 қараша аралығында дәріс өткізеді.
Ташкенттен университетінен шет тілдері факультетінің деканы, PhD докторы, профессор А.М.Мамадалиев және доцент, тарих ғылымдарының докторы А.Т. Сабиров келді. Олар осында екі апта болып, "Тарих" және "Шет тілі: екі шет тілі" білім беру бағдарламаларының студенттеріне, магистранттары мен докторанттарына дәрістер мен семинарлар өткізетін болады. Студенттер сондай-ақ, шеберлік сыныптары мен тренингтерге қатыса алады. Бағдарлама тек академиялық сабақтарды ғана емес, сонымен қатар практикалық іс-шараларды да қамтиды, онда біздің қонақтарымыз Марғұлан университетінің оқытушылар құрамымен өз тәжірибелерімен және білімдерімен бөліседі.
Университет басқарма төрағасының міндетін атқарушы-ректоры Жанбол Жилбаев Ташкенттен келген профессорлармен кездесіп, оларды университетпен таныстырып, ынтымақтастық жобалардың болағшағын талқылады. Кездесу барысында қонақтар гуманитарлық ғылымдар жоғары мектебінің қызметімен танысты. Жоғары мектеп деканы А.Е.Кәрімова мектептің құрылымы, білім беру бағдарламалары туралы айтып берді. "Шет тілі: екі шет тілі" және "Тарих" білім беру бағдарламаларының жетекшілері А.С.Жолдабаева мен К.К.Қанафин қонақтарды оқу бағдарламаларының ерекшеліктерімен және біздің университетте енгізіліп жатқан инновациялармен таныстырды.