ТАРИХ АПТАСЫ: С. ТОРАЙҒЫРОВ АТЫНДАҒЫ КІТАПХАНАДА ДӨҢГЕЛЕК ҮСТЕЛ ӨТТІ

24.10.2025

С. Торайғыров атындағы облыстық әмбебап ғылыми кітапханасында Тарих аптасы аясында Қазақстан Республикасы Ғылым және жоғары білім министрлігінің гранттық қаржыландыруы бойынша ғылыми жобаны жүзеге асыру шеңберінде дөңгелек үстел өтті. Жоба тақырыбы:
«Сібір комитетінің Солтүстік-Шығыс Қазақстан аумағында Ресей империясының ресми саясатын қалыптастыру және жүзеге асыру жөніндегі қызметі».

Шара «Сібір комитетінің материалдары XIX ғасырдағы Қазақстан тарихын зерттеу бойынша дереккөз ретінде» атты жалпы тақырыппен өтті және деректану және XIX ғасырдағы қазақ қоғамының құқықтық мәдениеті мәселелеріне қызығушылық танытқан оқытушыларды, зерттеушілерді және студенттерді жинады.

Тарих ғылымдарының докторы, профессор, жоба жетекшісі Өтепова Г.Е. кіріспе сөз сөйлеп, Ресей мемлекеттік тарихи архивінің Сібір комитетінің қызметі бойынша материалдарына шолу жасады.

Отырыс барысында Каримова А.Е. («Сібір комитеті мен жергілікті ақсүйектер арасындағы қарым-қатынас (мұрағат деректер негізінде)»), Қасқабасова А.А. («1822 жылғы Жарғы қазақ дәстүрлі қоғамының бірте-бірте трансформациялану факторы ретінде») және Құсайынов Д.Ж. («Сібір комитетінің қазақ әдеттік құқығын (адат) кодификациялау жөніндегі қызметі») баяндамалары ұсынылды.

Соңында талқылау өтті, оның барысында қатысушылар мұрағат деректерінің тарихи-құқықтық процестерді қалпына келтіру үшін маңыздылығын атап өтті және Сібір комитетінің мұрасын зерттеуге пәнаралық тәсілдің маңыздылығын баса көрсетті.