«TALENT SHOW» БАЙҚАУЫНЫҢ ЖЕҢІМПАЗДАРЫ БЕЛГІЛІ БОЛДЫ

27.04.2023

Ә.Марғұлан атындағы Павлодар педагогикалық университетінде өткен «Talent Show» байқауының жеңімпаздары белгілі болды. Бүгін жас таланттар байқауының гала-концерті барысында жеңімпаздар мен жүлдегерлер марапатталды.

«Talent Show» байқауы университет қабырғасында 11-14 сәуір күндері аралығында өткен. Талантты да дарынды жастар вокал, музыкалық аспапта ойнау, көркем сөз, Stand Up номинациялары бойынша бақ сынады. Жалпы, 80-нен астам студент қатысып, өз өнерлерін ортаға салды.

Сонымен байқау қорытындысы тоқталайық: «Музыкалық аспапта ойнау» номинациясы бойынша Нұрсерік Тәуекелов жеңімпаз атанды. Жүлделі ІІ орын Құнанбай Жайдарға, ІІІ орын Ескенова Камилаға бұйырды. «Вокал» номинациясының жеңімпазы - Мейрам Аружан. Ал екінші және үшінші орындарды Әшір Мадияр мен Нұралиева Данара еншіледі.

«Көркем сөз» номинациясы бойынша бірінші орынды Жәнібек Есенкелді жеңіп алды. Екінші орын Олжатаева Мейірген, үшінші орын Әшір Мадиярға бұйырды. Барша жеңімпаздар мен жүлдегерлер ақшалай сыйлйқтармен марапатталды.
Талантты жастардың өнеріне студенттік филармония директоры Абдоллаев Абзал, «Музыкалық білім беру» бағдарламасының оқытушысы, дәстүрлі әнші Қисатова Салтанат, студенттік филармонияның Жайдарман үйірмесінің жетекшісі Коңратбаев Ильяс, студенттік филармонияның домбыра үйірмесінің жетекшісі Өтемісова Салтанат, студенттік филармонияның «Көркем сөз» үйірмесінің жетекшісі Бақытхан Оразбек, студенттік филармонияның «Вокал» үйірмесінің жетекшісі Мұхаметқали Саян сынды қазылар алқасы баға берді.

Студенттік филармония директоры Абзал Абдоллаев «Talent Show» байқауының өтуіне қолдау білдірген университет басшылығына алғысын білдірді.