ТАЛАПКЕРЛЕР ШЫҒАРМАШЫЛЫҚ ЕМТИХАН ТАПСЫРА БАСТАДЫ

09.07.2024

Марғұлан университетіне оқуға түсуге келген талапкерлер арасында шығармашылық емтихандар басталды.

Емтихан талаптарын Өнер және спорт жоғары мектебіне қарасты дене шынықтыру және спорт білім беру бағдарламасының жетекшісі Медет Сырлыбаев түсіндіріп, өтетін орыны мен уақыты туралы ақпарат берді.
Бүгінгі күнге дейін Марғұлан университетінің спорт және дене шынықтыру мамандығына түсуге 150-ден астам бала келген.
-Бүгін талапкерлер өздері таңдаған мамандықтар бойынша тапсырды. Олардың ішіне волейбол, баскетбол, бокс, қазақ күресі және басқа да спорт түрлері бар. Ал екінші және үшінші күндері жүзу, гимнастика, жеңіл атлетика түрлері бойынша тапсырады. Жеңіл атлетика бойыша емтихандар орталық стадионда өтетін болады, - деді Медет Сырлыбаев.

Шығармашылық емтихан тапсыруға келген талапкерлердің бірі - Динара Амангелдинова.
- Мен волейбол спорты бойынша сынақ тапсырып шықтым. Барлық тапсырмаларды ойдағыдай орныдадым деп ойлаймын. Алдағы уақытта Марғұлан университетіне дене шынықтыру мұғалімі мамандығына түсіп, болашақта осы салада шәкірт тәрбиелеуді армандаймын, - дейді талапкер.