ТАЛАНТТЫ ҰСТАЗДЫҢ ШЕБЕРЛІК СЫНЫБЫ

17.11.2023

Жаратылыстану ғылымдары жоғары мектебінің базасында «Биология» білім беру бағдарламасының студенттеріне «Оқытудың тиімді формалары білім сапасын арттырудың шарты» тақырыбында шеберлік сыныбы ұйымдастырылды. Шеберлік сынып модераторы - Павлодар қаласындағы №11 орта мектебі биология пәнінің мұғалімі Анастасия Лухманова. 

Анастасия Юрьевна мектепте үштілділікті енгізу бойынша жұмыс істеп келеді. Ағылшын тілі пәнінің мұғалімі ретінде үлкен жұмыс тәжірибесі бар, «Ағылшын тілінде сабақ беруге құқығы бар биология пәнінің мұғалімі» білім беру бағдарламасы бойынша біздің университетке екінші жоғары білім бағдарламасына түсті. Ол оқуын аяқтағаннан кейін үш тілде оқыту бағдарламасы бойынша мектепте биология пәнінің мұғалімі болып табысты жұмыс істейді.

А.Ю. Лухманова «Көптілділік аясындағы сабақтың үздік әдістемелік әзірлемелері» республикалық байқауының, «Көптілділікті енгізу» әдістемелік құралдар байқауының және басқа да көптеген әдістемелік және ғылыми байқаулардың жеңімпазы. Ұстаз педагогикалық қызметінде оқушылардың оқу-тәрбие процесіне қатысуының жоғары деңгейімен сипатталатын, олардың танымдық және шығармашылық белсенділігін арттыратын әдістерді қолданады.
Анастасия Юрьевнаның айтуынша, үштілділік – заман талабы, ол адамдарға білімдерін, дағдыларын кеңейтуге және адамдар арасындағы өзара түсіністікті дамытуға көмектеседі.

«Биология, химия, физика сияқты жаратылыстану пәндерін оқу барысында шет тілдерін меңгеру өте маңызды. Өйткені бұл ғылыми жетістіктермен түпнұсқа дерек көздермен танысуға мүмкіндік береді», - дейді ол.

Шеберлік сабағында Анастасия Юрьевна жеңіл, қатысушылар мен оқушылардың танымдық белсенділігін арттыру үшін сабақта әртүрлі формалар мен әдістерді қолдану мүмкіндіктерін көрсетті. Студенттерге олардың оқу-танымдық процесін ұйымдастыруға кеңес берді. Тәлімгер болашақ мұғалімдердің бастамаларын, шығармашылық ізденісін, өз бетімен дамуына қолдау көрсетуге де ерекше көңіл бөледі.