ТӘЖІКСТАНДЫҚ СТУДЕНТТЕР МАРҒҰЛАН УНИВЕРСИТЕТІНДЕ БІЛІМ ЖЕТІЛДІРУГЕ КЕЛДІ

12.03.2024

Марғұлан университеті шетелдік жоғары оқу орындармен әрдайым тығыз байланыста. Соның нәтижесінде оқытушылар мен студенттердің шетелдік универитеттерге барыс-келісі нығайған. Кеше Садраддин Айни аиындағы Тәжікстан мемлекеттік педагогикалық университетінің 5 студенті білімдерін жетілліру мақсатында Марғұлан университетіне келді. Оқытушылар мен стуленттер қонақтарды әуежайдан ерекше құрметпен қарсы алды. Тәжікстанда жастар енді «Шет тілі: екі шет тілі» білім беру бағдарламасында және «Көркем еңбек, графика және жобалау» білім беру бағдарламасында білім алады. Шетелдік студенттер Марғұлан университетінде 30 мамырға дейін болады.

Марғұлан университеті Интернационализация бөлімінің маманы Айжан Шапкенованың сөзінше, бұл шара академиялық ұтқырлық бағдарламасы бойынша және екіжақты ынтымақтастық негізінде жүзеге асырылуда.

- Олар бакалавриат бойнша 1-3 курста білім алады. Басты мақсаты - академиялық тәжірибе алмасу және ағылшын тілін меңгеру деңгейін жаңа сатыға көтеру. Шетелдік студенттерге Марғұлан университетінің тәжірибелі оқытушылары жаңа әдістеме, жаңа бағдарлама бойынша білім беретін болады. Ал көркем еңбек мамандығы бойынша келген студенттер Марғұлан университетінің шеберханаларында жұмыс істеу арқылы өзінің шеберлігін шыңдайды,-дейді Айжан Шапкенова.