СТУДЕНТТІК СПОРТТЫҚ ЛИГАСЫНЫҢ ЖҮЛДЕГЕРЛЕРІ

03.06.2024

Астана қаласындағы Назарбаев Университетінде қазақ күресі бойынша республикалық студенттік спорттық лигасы өтті. ҚР Жоғары оқу орындарының 50-ден астам командасы бақ сынаған байрақты жарысқа Марғұлан университетінің командасы да қатысты.
Жарыс нәтижесі бойынша 90 келі салмақта белдескен Бижан Садвакасов жүлделі үшінші орынды еншілесе, 55 келі салмақта күрескен Аяулы Ырымбай тағы үшінші орынды қанжығалап, қола медальға ие болды.

Айта кету керек, студенттер лигасы жоғары оқу орындар арасында екі жылда бер рет ұйымдастырылып, жастар арасындағы ең үздік спотшыларды анықтайтын үлкен турнир. Сондықтан, бұл жарысқа оқу орындары алдын ала іріктелген ең таңдаулы спортшыларын жібереді. Біздің спортшылар бұған дейін Шығыс дивизионында іріктеуден өтіп, республикалық лигаға жолдама алған болаты.

- Жарыс күрделі болды. Студенттер лигасы екі жылда бір рет өткізілетін жарыс болғандықтан әрбір қатысушы үшін медаль алу маңызды. Мен бұл жарыста Атырау, Алматы, Солтүстік Қазақстан споршыларымен жалпы төрт белдесу өткізіп, оның үшеуін жеңіспен аяқтадым. Жарысқа дайындаған барша жаттықтырушыларға, ұстаздарға алғыс білдіремін, - деген пікірін білдірді Аяулы Ырымбай.