СТУДЕНТТІК ПАРЛАМЕНТ ПРЕЗИДЕНТІН ҰЛЫҚТАУ РӘСІМІ ӨТТІ

25.05.2023

Бүгін Ә.Марғұлан атындағы Павлодар педагогикалық университетінің Студенттік Парламент Президентін ұлықтау рәсімі өтті. Парламент президенті лауазымына 2023 жылдың 16 мамырында өткен сайлауда басым дауыспен жеңіске жеткен Давлетяров Аян Талғатұлы сайланды. Аян Талғатұлына Студенттік президент куәлігін Марғұлан университеті тәрбие және әлеуметтік мәселелер жөніндегі проректоры Серік Ілиясов табыстап, жауапты қызметіне сәттілік тіледі.

Өз кезегінде студенттік парламент президенті артылған сенім мен жүктелген жауапкершілікті адал атқаруға Ант қабылдап, студенттердің сапалы білім алуы жолында олардың әлеуметтік мәселелерін шешуде аянбай еңбек ететінін айтты.
Сонымен қатар, Ә. Марғұлан атындағы Павлодар педагогикалық университетінің Басқарма төрағасы-ректордың бұйрығы бойынша Студенттік Парламенттің Вице Президент болып Жамет Замира Болатбекқызы, Мәдениет және спорт министрі болып Қошқарбай Назгүл Қайратқызы, Зияткерлік даму министрі болып Маратов Мейіржан Мақсатұлы, Әлеуметтік даму министрі болып Абдин Расул Дәуренұлы тағайындалды.

Шараға Марғұлан университеті стратегиялық даму және интернационалдандыру жөніндегі проректоры Бауыржан Әбуов, Павлодар облысы жастар кеңесінің төрағасы, облыстық мәслихат депутаты Айдар Курумбаев, Павлодар облыстық «JASTAR RUHY» жастар қанатының төрағасы Еламан Асылбеков, «JASYL EL» облыстық штабының төрағасы, қалалық мәслихат депутаты Русана Сәмекова, Павлодар облысы бойынша Қазақстан Студенттер Альянсының төрағасы Дәурен Шарипов, Торайғыров университетінің Жастар комитетінің төрағасы Айша Хамзаева қатысып, жаңа қызметке тағайындалған студенттерді құттықтап, алдағы уақытта бірлесе жұмыс жүргізуге дайын екенін білдірді.