МАРҒҰЛАН УНИВЕРСИТЕТІНІҢ СТУДЕНТТЕРІ РУХАНИ TOUR ҰЙЫМДАСТЫРДЫ

02.10.2023

Әлкей Марғұлан атындағы Павлодар педагогикалық университетінің студенттері IGPA көрсеткіші жоғары Ертіс-Баян өңірінде РУХАНИ TOUR ұйымдастырды! РУХАНИ TOUR мақсаты - өңіріміздің киелі орындар тізіміне енген нысандарды кеңінен таныстыру, насихаттау, студенттерді рухани дамыту болып табылады.

Тур барысында Павлодар облысы, Шарбақты ауданының музейіне және ауданның мақтанышы Шалдай жеріндегі қарағайлы жолақты шыршалы орманына барды.

Студенттер осындай мүмкіндіктер үшін университет ректоры Жанбол Жилбаевқа, басқарма мүшесі - тәрбие және әлеуметтік мәселелер жөніндегі проректоры Серік Ильясовқа, Жастар саясаты департаментінің директоры Құсманова Мадина Шалқарқызына алғыстарын білдірді!

«Шет тілі: екі шет тілі» білім беру бағдарламасының студенті Назгүл Қошқарбай киелі сапарға алғаш рет қатысып отырғанын айтты.

-Шарбақты ауданында университет белсенділерімен рухани тур болды.Бұл менің алғашқы рухани саяхатым болғандықтан табиғаты қатты ұнады. 
Өзіме көптеген инсайттар алдым, көпшілікпен саяхат жасаған ерекше болады екен. Барлық ұйымдастырушыларға алғысымды білдіремін! Болашақта 
тоқтап қалмай, ауқымды рухани турлар көбейе берсе, - дейді ол.